Efo tristwch dysgom am farwolaeth Mike Hughes, yn ei gartref yng ngwlad Groeg, ar ddydd Gwener, Tachwedd 6^ed, 2020.

Bu farw Mike yn dawel yn ei gwsg efo’i ail wraig Trish wrth ei ochr. Roedd o wedi bod yn sâl ers cryn amser.

Brodor o Fae Colwyn oedd Mike Hughes. Symudodd i bentref ger Yr Wyddgrug wedyn ac, ar ôl gadael yr ysgol, symudodd i’r coleg yn y De, lle gwnaeth gyfarfod ei wraig gyntaf Anne. Ar ôl gadael y coleg gweithiodd yng Nghasnewydd am nifer o flynyddoedd.

Roedd Mike yn ddawnsiwr gwerin ym mharti dawns Prifysgol Abertawe, crud i ddawnswyr gwerin Cymreig, gan fynd ymlaen i sefydlu Pen y Fai efo Mel Evans ac Anne. Gadawodd Mike ac Anne i sefydlu Gwerinwyr Gwent yng Nghasnewydd ym 1976. Tyfodd y tîm o’i gwmpas a theithiasant i Ddenmarc a’r Almaen o dan ei arweiniad, a bu ymddangosiadau yn yr Eisteddfod Genedlaethol a’r Eisteddfod Ryngwladol. Roedd o’n arbenigwr mewn clocsio ac, ar un achlysur yn Nenmarc tynnodd y tŷi lawr yn llythrennol, wrth i’r llwyfan ddisgyn oddi tano.

Bu’n hyfforddi Ffermwyr Ifanc Gwent i gystadlu yn y Sioe Frenhinol. Roedd Mike wrth ei fodd yn dawnsio ac ysgrifennodd sawl dawns sydd wedi cael eu cyhoeddi gan y Gymdeithas. Roedd hefyd yn aleod o’r pwyllgor gwaith am nifer o flynyddoedd.

Roedd Mike yn weithredol, ynghŷd â’r diweddar Barry Butler, mewn sefydlu a threfnu Gŵyl Plant Gwent ac roedd o’n hyrwyddwr brwd i ddawnsio gwerin i blant. Roedd o’n galw mewn twmpathau ac mewn blynyddoedd diweddarach ymunodd âShoestring, grŵp dawnsio Appalachian

Yn 2004, prynodd Mike a Trish dŷyn Pissia, Groeg, lle gwnaethon nhw dreulio’r rhan fwayaf o’u hamser yn y blynyddoedd diwethaf.

Cynhelir yr angladd yn Athen ar ddydd Iau, Tachwedd 12^fed. Cydymdeimlwn efo’i blant Wyn, Catrin a Dylan ynghŷd â’i wraig Trish, a’i anwyliaid oll.

Bydd colled fawr ar ei ôl.

Roderick Denley-Jones

9^fedTachwedd, 2020